يا اخ على شو المطلوب نرش علامات على الطلاب ... طالما الكل بقول الأسئلة من المنهاج ولم تكن تعجيزية او صعبة جدا وفي ناس جايبة بالتسعينات.
يعني مشات تعبي الجامعات الخاصة وتدخل ناس على الجامعات والله ما بعرف يكتب اسمة (وممكن اجبلك ورقة امتحان لخريج 3 دكاترة ما عرفوا يقرؤوا اسم الطالب على ورقةالامتحان). والله ما بعرف الذنيبات ولا بحبة (لأني ما بعرفة ولا تعاملت معه) بس الزلمة (معاليه)بشتغل صح ومخرجات التوجيهي اخر 3 سنوات قريبة للواقع الضعيف لطلابنا. ورفع سوية الطلاب بالمدارس مسؤولية تشاركية من الوزارة والاهل والطالب ما بصير نضل نلوم او نرمي اللوم على الوزارة دائما.
في حل ما بعرف بتوافق علية ولا لع "شو رأيك نخلي طلاب التوجيهي يغشوا على كيفهم مشان نعبي الجامعات الخاصة..." أو "نزيد عشر علامات على المعدل لكل طالب" ما في ناس جيبة 98 كبف بدي ازيدلهم 10 علامات ولا لازم نكافئ الطلبة الطشي بس. مهو الي تعب ودرس وجاب معدل عالي حقة يعترض.
الواقع والحقيقة الي كلنا عارفينها الي ابنه او قريبة ما جاب معدل بدو يذمر ويولول ويدور على ناس يلومهم.
بالله عليك يا اخ علي الان في عندننا وزير تربية ووزير تعليم عالي اشتغلوا على مستوى عالي جدا من المسؤولية وفي الطريق الصحيح للنهوض بالعملية التعليمية ويتمتعون بخبرات يشهد لها القاصي والداني انصفهم في مقالاتك يؤتك الله اجرك مرتين مرة عن كل واحد.