طلبة نيوز-بقلم د. فاضـــل الزعبي...
اه يا قريتي اه ثم اه...
اه لما الفاضي يعمل قاضي .... اه لما تصيحي" ليش اتعب نفسي عالفاضي".
و اه لما تشوفي و تعملي انك ما شفتيش.
و اه لما يكون احلى نشيد عندك **انا مش خرنج ....انا كنج كونج ...وايدي مربوطه.....بلعب بنج بونج **
وين راح انا الشعب و الشعب انا
وين راح لما كنا نغني للفقير اللي بخته مال ..و للشباب المكافح و البنات الكمال
المواطن اللي راتبه على قده ... خايف من بكره و بعده
و اللي زعلان و مبوز .. عشان مش لاقي يتجوز
و اللي مش لاقي شغل. و كل الناس التعبانه
وين ايام ما كانو حبايبي كل هذول ...هذول همه الناس...همه الشعب و الشعب انا
الظاهر اني صرت انا اللي بغني ..بغني ميشان انسي نفسي. بغني بلكي عيشتنا تبقي فل
انا مش بحلم لنفسي ... انا بحلم للكل ..بحلم بالرغيف موجود بكثافه و طعمه كانه كنافه
و اللحمه بالثلاجه مش غاليه يا ناس و لا حاجه ..و الاستاذ رايق و الشفير مش متذايق
و التعليم بالمجان. حلم كل الناس حلم الشعب و انا ...
اه ثم اه ...
انا من ضيع في الاوهام عمره. اصل الفقري فقري طول عمره.
و الاحلام ما رح تنفع الا ميشان تسليني بدل الخمره و السيجاره البني.
اه ثم اه ...
زيد احلامي حتى اظل فرحان حتى بس لما انام...
ما انا نايم طول عمري بس مفتح عيوني بلكي الحلم يغلق جفوني و تصير النومه هنيه ...
اضف تعليقك